بلمعلم :"جمهور الرجاء كيبغي النتائج ومايمكنش يبقاو بدون ألقاب وهاذي نقاط ضعف الفريق"

صرح إسماعيل بلمعلم اللاعب السابق لنادي الرجاء الرياضي لكرة القدم، لموقع "إم إف إم سبور"، برأيه حول وضعية الرجاء في الفترة الحالية.

واعتبر بلمعلم أن مسألة انطلاق الرجاء في بداية الموسم مع المدرب فوزي البنزرتي، واستبداله بمنذر الكبير خلال الجولة الثالثة أثر سلبا على مردودية اللاعبين وساهم في النتائج السلبية للفريق.

وقال بلمعلم في هذا السياق " الفريق بدا استعدادته في بداية الموسم مع مدرب ومن بعد كمل مع مدرب آخر، فلازم ياخذ شوية د الوقت باش يتعرف أكثر على المجموعة، ونسبيا بدا كايبان التغيير على التركيبة البشرية ونتمناو في قادم الدورات تكون قراءة جيدة".

وعبر بلمعلم عن رأيه بخصوص المدرب الجديد منذر الكبير" واخا مايمكنش ليا نلوم مدرب ماعندوش بزاف د الماتشات، لكن كنشوفو دابا أخطاء كتكرر واشياء كثيرة كتطرح علامة استفهام كبيرة، بغينا نشوفو قراءة ديالو وتحكمه في المجموعة ولازم الكبير يتدخل وحنا نزيدو نتسناو منو يقدم الإضافة المرجوة".

وأبدى بلمعلم استياءه من غياب فلسفة الرجاء الكروية المعروفة ب"التيكيتاكا" في المرحلة الحالية، مشيرا إلى نقاط ضعف خطوطه " مابقيناش كنشوفو ديك اللمسة ديال الرجاء لي كتبني الهجمة من عند الحارس وهي غادا للشبكة، اللاعبين ماكيخلقوش مساحات، حنا ماولفناش الرجاء تلعب كواري طوال، خاص الرجاء يحافظ على الستيل والثقافة ديالو".

وركز اللاعب الرجاوي السابق، على ضرورة حفاظ إدارة الرجاء على الاستقرار داخل القلعة الخضراء، من أجل حصد الألقاب في أقرب وقت موضحا " حنا كانطالبو دابا غي بالنتائج لي غاتخلينا فاستقرار ومن بعد يجي الأداء، لكن مايمكنش يطلبو منا نصبرو موسمين أو 3 بدون ألقاب، جمهور الرجاء باغي نتائج فورية".