التكناوتي: "تحطينا فمجموعة فيها منتخبات ولاعبين كبار، لكن هذه كرة القدم والكبير هو الله.."

شدد أحمد رضى التكناوتي لاعب نادي الوداد الرياضي لكرة القدم، على عزم المنتخب المغربي على تحقيق نتائج إيجابية بنهائيات كأس العالم رغم صعوبة الخصوم، معبرا: "تحطينا فمجموعة صعبة فيها منتخبات ولاعبين كبار، لكن هذه كرة القدم والكبير هو الله".

وأشاد التكناوتي في تصريح إعلامي بزملائه ياسين بونو، منير المحمدي وأنس الزنيتي، متابعا: "لي الشرف نجاورهم، هما بحال خوتي الكبار، وعلاقتي مع بونو مختلفة، كانتشاور معاه فبزاف ديال الأمور وعندنا بزاف دالنقط المشتركة".

وأضاف رضى التكناوتي: "جبران، عطية الله، داري، بانون وجميع اللاعبين لي مارسو فالبطولة المغربية مزيان يكونو مع المنتخب باش يبينو للناس بلي الدوري المغربي كيعطي لاعبين كبار وعندو الكلمة ديالو".

وناشد أحمد رضى، الجماهير المغربية بتكثيف الحضور لمساندة "الأسود" بنهائيات "المونديال" معربا: "كانتمنى يجيو يشجعونا كيف العادة وحنا عارفين الجمهور المغربي كاين فالعالم كامل، وغايجي يشجعنا".

وعبر التكناوتي عن امتنانه لفريقه وجماهيره قائلا: "كانبغي نشكر العائلة الكبيرة ديالي لي هي الوداد وجماهيرو الكبيرة على مساندتها ليا وكانواعدهم بلي غانديرو ما أمكن باش نفرحوهم فالمونديال وفاش نرجعو للوداد".