الركراكي: "ماتش كان صعيب وغادي يكون أحسن اختبار ونقطة حتى هي مهمة"

صرح وليد الركراكي مدرب المنتخب المغربي لكرة القدم، اليوم الأحد عقب التعادل أمام الكونغو الديمقراطية، أن المباراة كانت صعبة ولاعبين عرفو يحقو نقطة التي تبقى مهمة.

وقال الركراكي: "كنا بغينا نربحو وبدينا الماتش بطريقة مزيانة، وجاونا فرص باش نضاعفو النتيجة لكن كاعما استغلناهم، ودخلنا الشوط الثاني باش نتداركو الموقف لكن الكونغو كانوا حسن منا وحتى هما كانوا قراب يقتلونا فالأخير".

وأضاف الركراكي: "هذا الماتش كيبقى أحسن اختبار لنا، وغادي يورينا بأنه ماكينش شي ماتش ساهل كولشي صعيب، ودابا غادي نتعلمو من هذه المباراة".

وتابع الركراكي: " دابا خاصنا نساو هاذ الماتش ونفكرو فالمباراة الثالثة باش نوجدو ليها مزيان، وحنا كنفكرو حاليا نركزو كثر باش نحسمو التأهل".

يشار إلى أن مباراة المنتخب المغربي ونظيره المنتخب الكونغولي، انتهت بالتعادل الإيجابي بهدف في كل مرمى، على أرضية ملعب بوكو بسان بيدرو.