حريمات: "جاوني عروض مغرية من الخليج، ولكن كعما بغيت نخوي بالجيش الملكي"

كشف محمد ربيع حريمات لاعب المنتخب الوطني وفريق الجيش الملكي لكرة القدم، أنه تلقى بعد مشاركته في كأس العرب عدة عروض مغرية من أندية خليجية، والتي كانت تسعى للظفر بخدماته خلال الميركاتو الشتوي الحالي.

وقال محمد ربيع حريمات: "من بعد كأس العرب جاوني عروض بزاف مغرية من الخليج، وكانو باغيين يخلّصو ليا الشرط الجزائي اللي عندي مع الجيش الملكي، ولكن ما بغيتش نمشي فهاذ الوقت".

وتابع قائد الجيش الملكي: "كعما بغيت نخلي الفريق ديالي ونهرسو فهاذ الوقت، حيث عندنا استحقاقات مهمّة بحال البطولة الاحترافية ودوري أبطال إفريقيا، وخاصنا ننافسو عليهم بكل قوة".

وأضاف بطل كأس العرب رفقة المنتخب المغربي: "من بين الحوايج اللي خلّاتني ما نغادرش الجيش الملكي هو التعامل الاحترافي ديال إدارة الفريق معايا، وزيد عليهم الجماهير اللي ديما كتكبر بيا وكتدعمني، بالإضافة للأصدقاء ديالي داخل الفريق".

وختم حريمات حديثه بالتأكيد على أن المال مهم في مسيرة أي لاعب، "الفلوس كلشي كيبغيهم، ولكن خاصني نضحّي مع الجيش الملكي، حيث هو الفريق اللي خلّاني ما نعتازلش الكورة وعطاني فرصة جديدة وبسبابو وصلت لهاد المستوى لي فيها أنا دابا".