متولي منزعج بعد تهميشه من الرجاء في حفل افتتاح أكاديمية الفريق

تفاجأ اللاعب الرجاوي السابق محسن متولي، بعدم تلقيه الدعوة لحضور حفل افتتاح أكاديمية الفريق الأخضر.

وقال متولي في تصريح إعلامي: " ماتلقيت حتى دعوة من عند شي واحد، وكنشكر الجامعة لي عطاتني الدعوة للحضور فهاد الافتتاح، وأنا جيت نحضر بحالي بحال خوتي لي شرف لينا نكونو حاضرين فهاد الحفل اللي كيهم فريق الرجاء البيضاوي."

وتابع،" ماكهرتش كاع صحابي يشاركوا فهاد الحفل الكبير، وكنشكر محمد السادس على هاد التحفة لي عطانا وأكاديمية ديال محمد السادس لي معمرنا غادي نساوها ومعمرنا غادي نساو الإنجاز اللي حققنا لفريق الرجاء الرياضي."

وأضاف،"من هاد منبر كنقول الله يرحم كاع ناس لي كانو معانا رشيد البوصيري لي دوز الشيء الكثير وكان عونا بزاااف."

وختم في تصريحه، "والحمدلله أنني فرحان حاضر فهاد الحفل الكبير لي غادي يدشنو فريق الرجاء البيضاوي غايكون إن شاء الله عندو أكاديمية ديالو وغادي يكونو لاعبين كبار وغادي نبغي ليهم غير الخير والله يسهل عليهم."

وعلق متولي بخصوص عدم قبوله لمهمة إدارية داخل الرجاء "باقي كنحس براسي مزيان بدنيا ومعنويا وباقي فيا منلعب، ماشي غانكون مستشار غير حيث قالو ليا كون مستشار، أنا باقي فيا منعطي، ومني غادي نبغي نسالي الكرة ديالي نخبركم إن شاء الله".

أيمن مجدي (صحافي متدرب)