علق وليد الركراكي مدرب الوداد الرياضي عن نتيجة التعادل الذي حققها فريقه أمام المغرب الفاسي: "جبنا نقطة مهمة من فاس اللي ما خسروا حتى ماتش هنا، و حققوا سلسلة جد إيجابية، آخر ماتش خسروا كان ضدنا، و كنا باغين نبرحوهم حتى اليوم، و لكن برافو عليهم تقالتلوا، و ضيعوا الوقت في الاخر و جابوا النتيجة اللي بغاو".
و أضاف: "ماغانقولش ليهم حنا فرحانين بنقطة، و لكن هي أقل حاجة كان خاصنا نحققوها اليوم، عندنا ماتش نهار الأحد مع الجمهور ديالنا، خاصنا ضروري نحققوا فيه الرباح، باش نخليو الفارق ديال 4 ديال النقاط قبل ما نلعبوا نهائي دوري أبطال إفريقيا".
و تحدث الركراكي عن الظروف التي جرى فيها اللقاء، حيث قال: "الجمهور عطى طعم خاص للماتش، و لكن خسارة الماتش تلعب مع الستة، و التيران ناشف، و كنا عارفين ما غايفزكوهش".
و طالب الجامعة الملكية المغربية لكرة القدم للحد من هذا الأمر قائلا: "دابا وصلنا ل 2022، خاص الجامعة تدير قانون كيفرض على الفرقة تفزك التيران، باش يكون الريتم طالع، حيت القرافي اللي كيبغيو يديو نقطة كيخليو التيران ناشف".