البدراوي :"كاينين منخرطين سمسارة وجيت للرجا نفك جميع الملفات والنزاعات"

كشف عزيز البدراوي أن هناك بعض اللوبيات التي باتت تتحكم في قيمة اللاعبين، معتبرا أن هؤلاء يسوقون لبعض اللاعبين الذين لا يستحقون أصلا تلك المبالغ.

وقال البدراوي :"الى بغيتي تتعامل مع اللاعب كيقولك هضر مع الوكيل ديالي وكاين لعاب ماكيسواش تا 50 مليون وكيطلقو الاشاعة باش يوصلوه لمليار".

وأردف قائلا :"كنعرف سماسرة وكنعرف منخرطين كيسوقو لصحابهم من اللاعبين وهاذ الشي غادي نقطعو وماغاديش يبقا في الرجا".

وأضاف المرشح لرئاسة الرجاء، أن سيتولى مهمته الجديدة للحد من عجز الرجاء وسيقدم على بعض الأمور التسويقية لصالح الرجاء وسيتعامل بشفافية.

وأنهى تدخله بهذا الموضوع قائلا :"كاينين لعابة كيستسالو وكاينين أحكام ولكن نهار غادي نبدا خاصني نبدا نفك في المشاكل اللي ماعندي بها تا علاقة وماغاديش نهرب من المسؤولية أخلاقيا وإداريا وماليا وغادي نجلس مع الناس اللي كيتسالو الرجا وماغاديش نبقا نجرجر في الملفات وماغاديش نبقاو ندابزو مع الناس".